BeSOoOoO Admin
الجنس : المهنـــه : عدد المساهمات : 50 نقاط : 52322 تاريخ التسجيل : 15/01/2010 العمر : 33 المزاج : بكيفي
| موضوع: مغامرات محشش مكرش بالكيا ,هذا الموضوع بالتعاون مع وزارة النقل و المواصلات الجمعة يناير 15, 2010 9:50 pm | |
| السلام عليكم ,, اليوم راح اسولفلكم من ردت اسافر للمدرسة ,, و طبعا اسافر مو لان مدرستي واقعة بالقطب الشمالي قاطبة (قاطبة شنو) و انما لان الطريق كلش طروق ,, 5 سنين ضوئية يلا اوصل ,, يعني مرة زينت و طلعت وصلت للمدرسة لحيتي طالعة مرة لخ ,, اي والله وداعة روبي ,, المهم ,, كلت اصعد كيا حتى اصرف شوية ,,
- ستووووووووووب (هاي اني دا اعيط بنص الشارع حتى توكف الكيا ,, العالم فزو عبالهم وكع عليه من السما حيوان فرس النهر شي)
وكفت الكيا و انتظرت الباب تنفح ,, واحد كاعد بصف السايق اذانه ماعونين و خشمة بكد المبردة مال جوارينا كلي اثعد بابا ثنو وين كاعد بثويثرا؟؟ افتح الباب و اثعد
ثويثرا هههههه هاي بثف باب الثرجي ترة ,,المهم ثعدت ,, يبوو قصدي صعدت و كعدت ليورة و بديت اتفرج عال عالم
- وحدة لابسة عباية و شايلة جدر مال حليبو كيمر و بس بقة اتفوت بقرة جوة الكيا ,, ناوشتني جدر و كلتلي لزمه زين ,, اني مثل ال ...... لزمتة و كلساع وية كل طسة الحليب بالجدر يوكع عال بنطرون و الكة بنطروني الاسود ديصير ابيض شوية شوية الى ان ورة ثلث ساعة اتاكدت انه اللي لابسه هذا مو بنطروني وانما بنطرون صاحبي لان اني ما عندي بنطرون ابيض ,, المهم
- اكو واحد هو حباب بس خبل ربما ,, و انما منغولي بلا ريب .. كل 5 دقايق يسالني عن الوقت
- سعبيش؟ -9 -سعبيش -9 و خمسه - سعبيش؟ -9 وعشرة اخر شي كتلة ورة ساعة راح اتصير 10 و 10 ,, فورة ساعة اسالني سعبيش حتى اكلك عشرة و 10 ماشي؟؟ - ماشي هاهية
ورة 3 دقايق - سعبيش؟؟؟؟؟؟
الربع ساعة اللي وراها كضيتها انه اباوع على ساعتي اللي بيد المنغولي صارت حتى لا ايخبلني كلشوية سعبيش و سعبيش ,,و بنفس الوكت اباوع على بنطروني و ابجي على حظي اللي سواه ابيض ,, و فوكاها ام الكيمر كعدت اتكرز حب و فستق و تشمرة عليه ,, فستق و حليب صار محلبي مو بنطرون ,,
وواحد متقاعد كدامي يمكن عمره 321 سنه ,, متوفي 5 مرات و يطمح ان يتوفه للمرة السادسة ,, طالع تقاعد من قبل ما يبنون دائرة التقاعد ,, و من الحواس الخمسة بس تشتغل عندة حاسة التنفس و الحواس الباقيه لو واكفه و مكتوب عليها (game over) لو عايفها بالبيت لو ناسيها بغير كيا , يسألني - أبني جلالة الملك صدك كتلوه؟؟ اني ظليت حاير يا ملك يقصد؟؟ اللي اعرفه انه طلعت من بيتنا نظام جمهوري ,, الا اذا حوروه ملكي ستيرن يسرة من جنت نايم
- حجي يا ملك تقصد؟؟؟ - ملك فيصل ابني - حجي هذا من زمان مات ,, انتة وين جنت بالحمام؟ يمعود حجي شنو القصة
الحجي طلع من جيبة 8 فلوس و انطاها للسايق - هاك ابني و رجعلي الباقي السايق فز ,, عباله عملة مال المعيــــــــب يك هاي ,, لان الحجي جان لابس شفقة مثل مال الامريكان بالاربعينات ,,
- حجي الكروة 750 دينار - ابني هاي 750 اشتريت بيها همر سنة ال 1931 - حجي يرحم خشمك سنة ال 31 وين جان اكو همر؟ - لا ابني اكو بس موديل قديم (ي يجوز بدون جروخ)
لحد هنا ما اتحملت و كمت على حيلي بنص الكيا دا اصيح ناااازل downloading و جررب راسي انصمط بالسكف مال كيا و اغمى عليه ,, سمعت ام الكيمر اترش على وجي حليب و اتصيح شوفولة بصلة بصلة خطية الولد و اللي كاعد بصف السايق ابو اذانات 44 راكي يكول هاي ثووو هثة ثجابك عال ثكف ؟؟ اني خجلت حيل و كتلهم ماكو شي و قررت انزل
امشي بالشارع بياض مال حليب على وجي و بنطروني امركع ابيض و اسود اتكول طالع جني صباغ
و هكذا وصلت للمدرسة ,, و الحمدالله محد ما عرفني بهذا الزي التنكري اللي جنت بي ,, و عاشو عيشة سعيدة
| |
|