لتكلي اصبر

لتكَلّي اصبر..هوّه اشظل وشباكَي واصبر



عمري سنينه الحلوه انباكَن جا صفصافه اتظنّه يعمر



وكَلبي ابكَد مادامن جرحك مايستَطعم ظل بَس بالمر



متيّهني بنص بحر اشواكَك غركَانه شطوطك وانه ابحر



لتكَلّي اصبر وتعاندني وعالمامش تتجبّر وتصر



شَصبر جا صَبري اتظن لوحَه وحايط روحي وبيهه اتسمّر



شَصبر حَسبالك مَرجوحه وهمّك يلعَب بيّه ويعبر



راح اصبر بَس صبر اليرجَه للوارد بير ايطلع السر



وصبر اليرجه بثدي الحالت للرضعان يكَطّر ويدر



وصبر اليرجه بروح الميت ترجع للجثّه وبيه تمر



هم راح اصبر ....هم راح اصبر