گلت مجروح جاوب لا حرامات ....... فرحت كلش يكمل مامتت ليش
ما همني وحقك گلبي المات ............. لكن همني انته بداخله تعيش
تطعني واگولن لا سلامات ............. وأشوفك ويه غيري وگلت بالريش
عشگت الهم عشگ ماصار من حيث .........أغار من الأشوفه بيوم مهموم
طرت للانهايه وبوكت بي .............. أتحده اليطيح ويرجع يكوم
شكد آنه احبك عدد مجهول .................. شعجب ناتج علاقة حبنه معلوم
صارت خبره عندي من الخيانات ......... من أشم اي شعر أعرف أذا مشموم
تطگ گلبي بسهم مو منهه زعلان ............. زعلت چي چان سهمك ماهو مسموم
وطبت من السهم ورجعت ندمان ................ وكتلك محد من الخطأ معصوم
وقنعتك بالغلط وتكلي غلطان ............... وكلت حاشاك من الغلط محشوم
مو مشكله موافق عوفني وروح .............. لكن أخذ عطرك من الهدوم
يل عيدك سراب بصوم أتانيك .................أتاني وأدري راح اگظي العمر صوم
من گد ماتجي يوميه بالطيف .............. أتعطر قبل لا روح للنوم
الجمعة أغسطس 20, 2010 10:51 am