حطو حلجرح كل الدوه وما فاد ................. وبس لچمت اديك لجرحي تشفيني
تجرحني بقصد وأفرح وأگول أفيش ................. وتجرحني وأگلك لا تداويني
على سنيني عمر ذب الوكت والظيم .............. وبس انته أجيت أنجذرت سنيني
عشرتي وياك مره وانه أگولن زين .................صح مر الدوه لاكنه يشفيني
شلون أبصم واگلك جنت انه اهواك ................ وعلى بابك بقت بصمات چفيني
مو بثنينهن حطيتك بكل عين ...................... ونته بوكر شماتي تخليني
چنت لو عيني ترمش أنزعج واغتاظ .............. لأن وقت الرمش ما شافتك عيني
تانيتك عمر من وصلتلي تگول ....................مشكلتك منوا لگلك اتانيني
انه بيه طبع انعرف لو مجروح ................. وأكسر خاطر الاخرس يحاجيني