ولك رجفة شفتك تسولفلي بيك ... ليش عينك ما تحطهه بعيني
يلي ماترظيك أشعاري عليك ... منك حچاية هلا ترضيني
عمري كله أنطيته ااك ماداعي بي ... ردت من عمرك ثواني أنطيني
سنيني ما تتحمل فراكك تعال ... بلون شعرك صار لون سنيني
الله لا ينطيك أذا لغيري تروح ... ولو أعوفك الله لاينطيني
ودهر صابك غير حباب وثگيل .... وغير أحبنك دهر صاباني
من عمت عيني أذا غيرك تشوف ... ومن عمت عينك أذا تنساني
من چنت يمي الحزن ماجاني يوم ... ومن رحت مني الفرح ماجاني
جربت مره الك الگه بديل ... گام چف أيدي وصطر طگاني
تعمدت غيرك أسمعنه شيگول ... أديّ مدري شلون سدن ذاني
فكرت ساعه تمر ما أحچي بيك ... زعل ظل يغلط علي لساني
علمودك ويه أهلي ماحچيت ... وعله مودك زاعلت صحباني
شعجب مايوم مر طيفي عليك ... انته طيفك أبد ماهداني
گبر طماني أذا احچي عليك .... وبيك ما أحچي گبر طماني